სტრატეგია აღმაშენებლის ერთ-ერთი ლიდერის, სერგო ჩიხლაძის განცხადებით, ბიძინა ივანიშვილის ქართული ოცნებიდან წასვლა ჰყავს ჩასაძირად გამზადებული გემიდან კაპიტნის გაქცევას.

"ივანიშვილის წასვლა, თუ ეს რეალური წასვლაა, ისეთი გამოწვევების ფონზე, როგორიცაა ეკონომიკური კრიზისი, კორონა-კრიზისი და პოლიტიკური კრიზისი, უფრო ჰგავს პასუხისმგებლობის მოშორებას და გაქცევას ჩასაძირად გამზადებული გემიდან, რომლის სახელიცაა ქართული ოცნება. ფაქტიურად ვხედავთ, რომ ამ გემის კაპიტანი პირველი გარბის ამ გემიდან", — აცხადებს ჩიხლაძე.

ჩიხლაძე ფიქრობს, რომ ივანიშვილის პოლიტიკიდან წასვლის ერთ-ერთი მიზეზი, დასავლეთის მხრიდან ქართულ ოცნებაზე ზეწოლაა.

"ჩვენ ვხედავთ მზარდ ზეწოლას ქართულ ოცნებაზე აშშ-დან, ევროკავშირიდან და ამ ფონზე, ამ ნაბიჯით ის ცდილობს გაემიჯნოს ქვეყანაში მიმდინარე პროცესებს დასავლეთის თვალში და ამით გარკვეულწილად სახე შეინარჩუნოს. მოგეხსენებათ, რომ მისი კაპიტალის უდიდესი ნაწილი ზუსტად დასავლეთშია დაბანდებული. აქედან გამომდინარე, მისთვის მისი ფინანსური იმპერიის გადარჩენა უფრო მნიშვნელოვანია, ვიდრე საქართველოს და მისი მოქალაქეების კეთილდღეობა და განვითარება", — ამბობს ჩიხლაძე.

მისი თქმით, ივანიშვილი ხედავს, რომ ქართული ოცნება ვერ უმკლავდება ქვეყანაში შექმნილ კრიზისებს და არ სურს ამ გუნდთან გაიგივებით მისი ისედაც დაზიანებული რეპუტაციის მეტად შელახვა.

პოლიტიკაში მეორედ მოსვლის შემდეგ ქართული ოცნების თავმჯდომარე, ბიძინა ივანიშვილი ამბობს, რომ პოლიტიკიდან მეორედ მიდის. ამის შესახებ მან ფეისბუქში გამოქვეყნებულ საჯარო წერილში განაცხადა.

გაიგეთ მეტი: