თბილისის მერიაში ბავშვთა სამყაროში გაჩენილ ხანძართან დაკავშირებული პრობლემების გადასაჭრელად საკოორდინაციო თათბირი მიმდინაობს.

თბილისის მერის თქმით, გუშინ რამდენიმე ბაზრობის ადმინისტრაცია დაუკავშირდა მერიას და დაზარალებულებისთვის ალტერნატიული ფართების შეთავაზების შესახებ მიაწოდა ინფორმაცია. კერძოდ, ნარმანიას განცხადებით, ბავშვთა სამყაროს მოვაჭრეებს ალტერნატიული ბაზრობები 3-დან 6-თვემდე შეღავათიან რეჟიმში მოემსახურებიან.

თათბირის დაწყებისას, თბილისის მერმა დავით ნარმანიამ თქვა, რომ ფინანსთა სამინისტროს წარმომადგენლები საქონლის იდენტიფიკაციაზე და მის ჩამოწერასთან დაკავშირებულ საკითხებზე იმსჯელებენ.

ნარმანიას განცხადებით, კანონმდებლობისა და კომპეტენციის ფარგლებში მერია შესაძლებლობების მაქსიმუმს გააკეთებს, თუმცა მისივე თქმით, ძირითადი და დიდი პასუხისმგებლობა მაინც ბავშვთა სამყაროს ადმინისტრაციას ეკისრება.

ამ დროისათვის, მიმდინარეობს შენობის ცალკეული ნაწილების დროებით გამაგრების სამუშაოები და სამართალდამცველების თანხლებით ეტაპობრივად შედიან მოვაჭრეები გადარჩენილი ნივთების გამოსატანად.

სავაჭრო ცენტრ ბავშვთა სამყაროში ხანძარი 30 იანვარს, გამთენიისას გაჩნდა.