საქართველოს პარლამენტმა პრორუსული პარტია პატრიოტთა ალიანსის 3 ყოფილი წევრის, დავით ზილფიმიანის, ფრიდონ ინჯიასა და გელა მიქაძის სამაპრლამენტო მანდატების დამტკიცებას კენჭი უყარა და დეპუტატებად დაამტკიცა. მმართელი პარტიის, ქართული ოცნების დეპუტატებმა საკითხს მხარი რიგგარეშე სხდომაზე ერთხმად დაუჭირეს.

პარლამენტის თავმჯდომარემ, არჩილ თალაკვაძემ აღნიშნა, რომ საკანონმდებლო ორგანოში ოპოზიცია უკვე წარმოდგენელია.

აღსანიშნავია, რომ საკანონმდებლო ორგანოში პარლამენტის გამოკლებული წევრების ნაცვლად ახალი დეპუტატები დაამტკიცეს.

პატრიოტთა ალიანსს პარლამენტმა სადეპუტატო უფლებამოსილება, გუშინ, 4 იანვარს, შეუწყვიტა. კერძოდ, მანდატები გაუუქმდა პარტიის სამ წევრს — ირმა ინაშვილს, გიორგი ლომიასა და გოჩა თევდორაძეს. ხოლო გელა მიქაძემ, ფრიდონ ინჯია და დავით ზილფიმიანმა ცენტრალურ საარჩევნო კომისიას ადგილმონაცვლეობის შესახებ მიმართეს. სწორედ ამ ადგილმონაცვლეობის პრინციპით მოხვდნენ ისინი საკანონმდებლო ორგანოში. რაც შეეხება სიის მეოთხე ნომერს, ავთანდილ ენუქიძეს მან მანდატზე უარი არ თქვა და პარლამენტში დარჩა.

თუ გინდა გაიგო, როგორ მუშაობს ან ვერ მუშაობს მე-10 მოწვევის პარლამენტი, რა ინიციატივები აქვთ დეპუტატებს და ზოგადად, როგორ მიიღება გადაწყვეტილებები, რომლებიც ჩვენს ყოველდღიურობას განსაზღვრავს, შემოგვიერთდი ჯგუფში — რა ხდება პარლამენტში.