პარლამენტის იურიდიულ საკითხთა კომიტეტის სხდომაზე მყოფმა სასულიერო პირმა, მამა გურამმა განაცხადა, რომ საქართველოში, საპატიმროებში პატიმრის მიმართ "ევროპისთვის შესაშური" დამოკიდებულებაა.

"პარლამენტი და ეკლესია აღმავსებელია ერთმანეთის. ეს არის ორი დამოკიდებულება, ზრუნვა, მეთოდი ადამიანის გამოსწორებისა. დარწმუნებული ვარ, ჩვენი სახელმწიფო შედგა ამ მიმართულებით და ეს მართლა მიზანია. მე პირადად ვარ მომსწრე, 7 წელია საპატიმროებში დავდივარ და როგორი დამოკიდებულებაა პატიმრის მიმართ, ალბათ, ევროპას და... მე არ ვყოფილვარ... შეშურდებოდა ყველა იმას...", — განაცხადა მამა გურამმა.

4 იანვარს პარლამენტში, იურიდიულ საკითხთა კომიტეტის სხდომაზე განიხილებოდა კანონპროექტი ამნისტიის შესახებ, რომლის სამუშაო ვერსია იყო წარმოდგენილი და რიგი მუხლები დაემატა. ასევე, შეიცვალა კანონპროექტის პრეამბულა და ითვალისწინებს არა მხოლოდ გათავისუფლებას, არამედ სასჯელის ვადის შემცირებას.

ამავე თემაზე:

პარლამენტმა ამნისტიის შესახებ კანონის პროექტი პირველი მოსმენით მიიღო