პატრიოტთა ალიანსის პარტიული სიის მე-8 ნომრის, დავით ზილფიმიანის განცხადებით, ახალი გარემოებებიდან გამომდინარე, თუ მისი პარლამენტში შესვლის საკითხი ლეგიტიმურად დადგება, პარლამენტში შესვლის გადაწყვეტილებას მიიღებს.

"ახალი გარემოებებიდან გამომდინარე, თუ ლეგიტიმურად დადგება ჩემი პარლამენტშიშესვლის საკითხი, მაშინ, ქვეყნის ინტერესების, ჩემი პირადი და ჩვენი დასავლელი პარტნიორების აზრის გათვალისწინებით, მივიღებ გადაწყვეტილებას, შევიდე პარლამენტში და, ჩემი ცხოვრების ამ ეტაპზე, დავკავდე პოლიტიკით, რადგან ღრმად მწამს, რომ დაუშვებელია ოპონირების გარეშე ქვეყნის მართვის პროცესის მიტოვება და პარლამენტიდან კვლავაც ვიბრძოლებ მედიათავისუფლების, ქვეყნის მაღალტექნოლოგიური განვითარებისა და სამართლიანობის აღდგენისთვის", — წერს ზილფიმიანი ღია წერილში.

დავით ზილფიმიანი პატრიოტთა ალიანსის პარტიული სიის მე-8 ნომერია. ის პარტიის წევრი არ არის.

ქართული ოცნების დეპუტატის, ირაკლი ქადაგიშვილის მიერ 2 იანვარს გაკეთებული განცხადებით, იმის გამო, რომ პატრიოტთა ალიანსს ცენტრალურ საარჩევნო კომისიაში სიები ჩახსნილი არ აქვს, ადგილმონაცვლეობის პრინციპი განხორციელდება.