დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

დაავადებათა კონტროლისა და საზოგადოებრივი ჯანმრთელობის ცენტრის ხელმძღვანელის, ამირან გამყრელიძის განცხადებით, ახალი კორონავირუსის ცირკულაცია სულ მცირე წელი, წელიწად-ნახევარი გაგრძელდება. ამის შესახებ მან დღეს, 31 დეკემბერს გავრცელებულ ვიდეომიმართვაში ისაუბრა.

"ეს პანდემია არ დამთავრდება ასე მალე. დარწმუნებული ვარ ვაქცინაცია დიდ გარდატეხას შეიტანს პანდემიის მიმდინარეობაში, მაგრამ თვითონ ახალი კორონავირუსის ცირკულაცია კიდევ სულ მცირე ერთი წელი, წელიწად-ნახევარი გაგრძელდება, სანამ მისი ბიოლოგიური ციკლი არ დასრულდება", — აცხადებს გამყრელიძე.

მისი თქმით, არსებულმა ვირუსმა ასწავლა მსოფლიოს, რომ 21-ე საუკუნის მთავარი გამოწვევები მუტაციით გამოწვეული ვირუსული დაავადებები იქნება.

31 დეკემბრის მონაცემებით, საქართველოში კორონავირუსის 1 527 ახალი შემთხვევა დადასტურდა, გამოჯანმრთელდა — 1 282, ხოლო გარდაიცვალა — 24.

დადასტურებული შემთხვევების საერთო რაოდენობა შეადგენს 227 420-ს, ჯამში გამოჯანმრთელებულთა რაოდენობა გაიზარდა 211 727-მდე, ხოლო გარდაიცვალა სულ 2 505 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: