საფარის აღმასრულებელი დირექტორის, ბაია პატარაიას განცხადებით, დიმიტრი ხუნდაძე ხაზს უსვამს იმას, რომ ოჯახში ძალადობა სერიოზული დანაშაული არაა და ასეთი შემწყნარებლური დამოკიდებულება ამ დანაშაულის მიმართ ცუდი ტონია ქართული ოცნებისგან.

"ეს განცხადება ეწინააღმდეგება მთლიანად აქამდე რა პოლიტიკასაც ატარებდა ქართული ოცნება. ისედაც ძალიან პატარა სანქციები არის ოჯახში ძალადობაზე და ამის კიდევ განახევრება და შემცირება რას ემსახურება? იმას, რომ ხაზს უსვამს დიმიტრი ხუნდაძე, რომ ოჯახში ძალადობა არ არის სერიოზული დანაშაული. გარდა ამისა, ის იყენებს სექსისტურ ენას და ოჯახის უფროსსაც ეძახის მოძალადე კაცებს. ასეთი შემწყნარებლური დამოკიდებულება ოჯახში ძალადობის დანაშაულის მიმართ არის ძალიან ცუდი ტონი ქართული ოცნებისგან", — განაცხადა ბაია პატარაიამ TV პირველის ეთერში.

ქართული ოცნების დეპუტატმა, დიმიტრი ხუნდაძემ განაცხადა, რომ ოჯახში ძალადობა ემოციურ ფონზეც ხდება და ამნისტიის შესახებ კანონპროექტში ეს გათვალისწინებული უნდა იყოს.