27 დეკემბერს მოძრაობამ "საზოგადოება არტისტებისთვის" გამართა საქველმოქმედო მარათონი, რომელიც პირდაპირ ეთერში გადაიცემოდა მედიითა და სხვადასხვა ონლაინ პლატფორმის მეშვეობით. ღონისძიების მთავარი მიზანი იყო საზოგადოების ცალკეული პირების თუ კერძო კომპანიების დახმარებით მნიშვნელოვანი თანხების მობილიზება ხელოვანთათვის, რომლებიც ყოველგვარი შემოსავლის წყაროს გარეშე დარჩნენ. კომპანია გალფმა 10 000 ლარი გადარიცხა აღნიშნულ ფონდში.

"არტარეას" მეგობართა ჯგუფის მოძრაობა #საზოგადოებაარტისტებისთვის
სხვადასხვა პროფესიულ ჯგუფებს შორის განსაკუთრებით უკიდურესად დაზარალდნენ ხელოვანები, რომლებიც ყოველგვარი შემოსავლის წყაროს გარეშე დარჩნენ. დახურული თეატრების, გალერეების, ჩაშლილი კონცერტების, დაკეტილი წიგნის მაღაზიების გამო ჩვენი ხელოვანები უკიდურესად მძიმე რეალობის წინაშე აღმოჩნდნენ. მათი აღრიცხვისა და მხარდაჭერის მიზნით, „არტარეას“ გარშემო შეიკრიბა მეგობართა ჯგუფი, რომელიც დაკომპლექტებულია კულტურის სხვადასხვა სფეროში მოღვაწე წამყვანი ორგანიზაციებით. მოძრაობის მიზანია ხელოვანებისთვის შეიქმნას კოვიდ სტიპენდიის ფონდი და მოხდეს თანხების მობილიზება.

აღნიშნული იდეის განხორციელების მიზნით, შეიქმნა ონლაინ პლატფორმა www.geoartists.ge სადაც ყოველდღიურად იკრიბება ინფორმაცია საქართველოში მცხოვრები დამოუკიდებელი არტისტების შესახებ.