ამერიკის ელჩის საქართველოში, კელი დეგნანის განცხადებით, იმედგაცრუება გამოიწვია იმან, რომ არჩევნებს დარღვევებმა ზიანი მიაყენა და გასაჩივრების პროცესიც ხარვეზებით სავსე აღმოჩნდა.

"სხვების მსგავსად ჩვენც იმედგაცრუებული დავრჩით, რადგან ამ არჩევნებს ზიანი მიაყენა უამრავმა სერიოზულმა დარღვევამ და გასაჩივრების პროცესიც, რომელიც მოჰყვა არჩევნებს ასევე იყო ხარვეზებით სავსე. ბევრი საჩივარი არ იყო სრულად გამოძიებული, ან არ განიხილეს. შედეგი გახდა ის, რომ ხალხმა დაკარგა ნდობა არამხოლოდ პროცესის, არამედ არჩევნების შედეგების მიმართაც, რაც საბოლოო ჯამში ძალიან სამწუხაროა", — განაცხადა კელი დეგნანმა ფორმულას ეთერში ( ფორმულას თარგმანი).

დეგნანის თქმით, მნიშვნელოვანია, რომ წინასაარჩევნო კამპანიის პერიოდში იყო ნაკლები აგრესია, ნაკლები სიძულვილის ენა.