პრემიერმინისტრობის კანდიდატ გიორგი გახარიას თქმით, გაუგებარია პარლამენტში რატომ არ სურს 9 ოპოციზიურ პარტიას შესვლა და რატომ არ იყენებენ ამ "დემოკრატიის მიღწევას". ამის შესახებ მან პარლამენტში განაცხადა.

"მე უბრალოდ არ მესმის, რა შეიძლება იყოს მიზეზი იმისა, რომ ქართულმა პოლიტიკურმა სპექტრმა დემოკრატიის ეს მიღწევა, არ გამოიყენოს. საპირისპირო მხრიდან იყოს აშკარა პროცესი სახელმწიფოს დელეგიტიმაციის, მე ვფიქრობ შემდგომ არჩევნებში საქართველოს მოქალაქე შესაბამის შეფასებას მისცემს. ჩვენ ვერავის ვაიძულებთ შეასრულოს ის რაც საქართველოს მოქალაქემ დაავალა", — ამბობს გახარია.

ოფიციალურად პარლამენტმა მუშაობა 11 დეკემბერს დაიწყო. ამის პარალელურად, ბარიერგადალახულმა ოპოზიციურმა პარტიებმა საკუთარ მანდატებზე უარი თქვეს. ქართული ოცნება ამბობს, რომ ყველა ასეთ პარტიას მანდატები გაუუქმდება, ხოლო დაფინანსება შეუწყდება. ამასთან, მმართველი ძალის განცხადებითვე, ისინი დააინიცირებენ კანონპროეტქს, რომლის თანახმადაც საარჩევნო რეგისტრაცია გაუუქმდება პარტიას, რომლის ლიდერიც კონსტიტუციურ საარჩევნო ცენზს არ აკმაყოფილებს, კერძოდ, არის უცხო ქვეყნის მოქალაქე ან მისჯილი აქვს თავისუფლების აღკვეთა.

თუ გინდა გაიგო, როგორ მუშაობს ან ვერ მუშაობს მე-10 მოწვევის პარლამენტი, რა ინიციატივები აქვთ დეპუტატებს და ზოგადად, როგორ მიიღება გადაწყვეტილებები, რომლებიც ჩვენს ყოველდღიურობას განსაზღვრავს, შემოგვიერთდი ჯგუფში – რა ხდება პარლამენტში.