ფოტოგრაფი გიორგი მარტიაშვილი, იგივე George Van De Kamp, უკვე 3 წელია რაც ფოტოგრაფიით არის გატაცებული და ამ ხნის მანძილზე, საკუთარი შემოქმედებით ემოციებისა, ისტორიებისა და გრძნობების გადმოცემას ცდილობს. გიორგის საოცარი სიურეალისტური სამყარო, ადამიანებზე დიდ შთაბეჭდილებას ახდენს არამარტო საქართველოში, არამედ მის საზღვრებს მიღმაც და ფოტოები რომლებსაც ავტორი თავისი ცხოვრების ნაწილებს უწოდებს, ყოველთვის დიდ გამოხმაურებასა და დადებით შეფასებებს იღებს.

მიუხედავად მცირე დროში მიღწეული წარმატებისა, გიორგი ფიქრობს რომ ჯერ კიდევ ბევრი რამ აქვს სასწავლი, ამიტომ საინტერესო პროექტებზე მუშაობისა და გადაღების გარდა, მუდმივ პროგრესზე ორიენტირება და პროფესიული განვითარებაც მისი ყოველდღიური საზრუნავია.

რაც შეეხება თავად ფოტოებს, ავტორი სრულ თავისუფლებას გვანიჭებს მათი აღქმისა და შეფასების პროცესში, რადგან ისიც ისევე თავისებურად აღიქვამს საკუთარ ნამუშევრებს, როგორც ნებისმიერი სხვა ადამიანი.

იხილეთ გიორგის სიურეალისტური ფოტოები:

ფოტო: George van de kamp

ფოტო: George van de kamp

ფოტო: George van de kamp

ფოტო: George van de kamp