იუსტიციის ყოფილი მინისტრისა და პარლამენტის წევრის, თეა წულუკიანის თქმით, რაც არ უნდა გულუბრყვილოდ ჟღერდეს, ის ოპოზიციას თავიანთი ამომრჩევლის მოტყუებას ვერ პატიობს.

"ველზე, როდესაც ვმუშაობდი წინასაარჩევნო კამპანიის დროს, ჩემთვის მაშინ ნათელი გახდა, რომ ეს ადამიანები საკუთარ ამომრჩევლებს ატყუებდნენ. მიუხედავად იმისა, რომ ისინი ჩვენი ამომრჩეველი არ არიან, ეს ძალიან მაწუხებს მე. ატყუებდნენ, ეუბნებოდნენ, რომ ესენი [ქართული ოცნება] მიდიან ხელისუფლებიდან, ჩვენ მოვდივართ და რომ თითქოს, ეს შეთანხმებული იყო. ბევრმა ეს დაიჯერა და აღმოჩნდნენ მოტყუებულები", — განაცხადა წულუკიანმა გადაცემა კვირის პოსტში.

მისივე თქმით, ოპოზიციის წარმომადგენლებს არეულობა, რევოლუცია, დესტაბილიზაცია სურთ და მათ გონიერებისკენ მოუწოდა.