ბაღდათი-ქუთაისის გზაზე, სოფელ ვარციხესთან მომხდარ ავტოსაგზაო შემთხვევას სამი ადამიანის სიცოცხლე ემსხვერპლა. შემთხვევა დღეს, 17 დეკემბერს მოხდა.

მსუბუქი ტიპის ავტომანქანის მძღოლმა საჭე ვერ დაიმორჩილა, გზის სავალი ნაწილიდან გადავიდა და ხეს შეეჯახა. შედეგად, სამი ადამიანი ადგილზე გარდაიცვალა. არსებული ინფორმაციით, გარდაცვლილები ოჯახის წევრები იყვნენ.

მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.