ევროპული საქართველოს ერთ-ერთი ლიდერის, გიგა ბოკერიას თქმით, დეპუტატ თეა წულუკიანის შეფასება გრიგოლ ვაშაძეზე, კარგად მეტყველებს თავად წულუკიანის მსოფლმხევდელობაზე.

"საგულისხმო იყო ქალბატონი წულუკიანის განცხადება, რომელმაც შეაქო ბატონი გრიგოლ ვაშაძე. აქედან პატარა სენტენცია რომ გამოვიტანოთ, არის, რომ ქალბატონი წულუკიანისთვის კარგი ოპოზიციონერი არის პოლიტიკიდან წასული ოპოზიციონერი. ეს კარგად მეტყველებს მის მსოფლმხედველობაზე", — განაცხადა გიგა ბოკერიამ.

თეა წულუკიანმა, ვაშაძის მიერ ნაციონალური მოძრაობის დატოვებაზე საუბრისას განაცხადა, რომ გრიგოლ ვაშაძის პოზიციები ყოველთვის იყო ნაკარნახევი იმით, რა სჯობს ქვეყნისთვის და არა ვიწრო პარტიული ინტერესებით.

თავად ბოკერია ამბობს, რომ ვაშაძის წასვლით ოპოზიციაში არსებითად არაფერი შეიცვლება.

"ევროპული საქართველოსთვის არაფერი არ იცვლება ნამდვილად", — განაცხადა გიგა ბოკერიამ.

დღეს, 15 დეკემბერს, გრიგოლ ვაშაძემ საკუთარ ფეისბუქ გვერდზე დაწერა, რომ ტოვებს ნაციონალურ მოძრაობას.

გაიგეთ მეტი: