ლელოს თავმჯდომარის, მამუკა ხაზარაძის თქმით, ქართული ოცნების თავმჯდომარესთან, ბიძინა ივანიშვილთან ბრძოლა არ ნიშნავს, რომ ექს-პრეზიდენტის მიხეილ სააკაშვილის "რევოლუციურ მოწოდებებს" წინ არ აღუდგებიან. ხაზარაძის განცხადებით, ლელო ყველანაირ რევოლუციურ მოწოდებას ემიჯნება.

"ჩვენ უნდა მოვახერხოთ, ვიპოვოთ შეთანხმება ხელისუფლებასა და ოპოზიციას შორის, რომელიც, პირველ რიგში, ჩვენს სახელმწიფოს სტაბილურობას მოუტანს. არ უნდა მოხდეს ის, რომ ოღონდ ახლა შემოდით პარლამენტში და შემდეგ ვილაპარაკოთ. არა, ეს უნდა იყოს სამართლიანი შეთანხმება და კომპრომისი, რომ ქვეყანა გამოვიდეს ამ მდგომარეობიდან,”-განაცხადა ხაზარაძემ.

ამასთან, ხაზარაძე აღნიშნავს, რომ მძიმე მოლაპარაკებების ფონზე ელჩებზე თავდასხმასაც ეწინააღმდეგებიან.