როდესაც გათბობის სისტემის დამონტაჟებაზე საუბრობენ, რატომღაც გვგონია, რომ საქმე წარმოუდგენლად რთულ და შრომატევად პროცესთან გვაქვს.

ამიტომაც, აქ მოგიმზადეთ რჩევები, თუ როგორ უნდა გათბე მარტივად და ეფექტურად, თუკი სახლიდან გიწევს მუშაობა და შენთვის გათბობის ჩართვაზე არც დედ-მამა ზრუნავს და შექმნილი ვითარების გამო ვეღარც ოფისი.

თუკი წლევანდელი ზამთარი პირველია, რომელსაც ახალ სახლში გადასული მარტო ატარებ და გგონია, რომ გათბობის კარგი სისტემის დამონტაჟება გაგიძნელდება, ე.ი. ეს სტატია შენთვისაა დაწერილი.

პლედების ქოხი

ამისათვის 4-5 პლედი დაგჭირდება 2 ცალი დააფინე ძირს, დანარჩენი კი ისე, როგორც ბუდე — შემოავლე გარშემო. დაგჭირდება ცხელი ყავით ან ჩაით სავსე ჭიქა, რომელსაც საიმედოდ მოათავსებ შენ სიახლოვეს მყარ ზედაპირზე და სამუშაო ლეპტოპი — მორჩა, თბილი და მყუდრო სამუშაო სივრცე მზადაა.

განწყობის შექმნა მნიშვნელოვანია

დიმიტრი უზნაძის განწყობის თეორია, ალბათ, გაგიგონია და, შესაბამისად, ისიც იცი, თუ რამხელა მნიშვნელობა აქვს განწყობის შექმნას. რატომ არ უნდა გამოიყენო ეს ცოდნა პრაქტიკაში? თუკი პლედები არ გყოფნის, მოდი, სცადე და დიდ ეკრანზე საახალწლო დეკორაციებით გაფორმებული ანთებული ბუხრის screen saver-ი გაუშვი. ეს სხეულსა და სახლს ვერა, მაგრამ გულს აუცილებლად გაგითბობს და გპირდები, საახალწლო განწყობასაც აუცილებლად შეგიქმნის.

ცხელი სასმელი

ყველამ გადასარევად იცის, რომ ცხელი ჩაისა და ლიმონის კომბინაცია ნებისმიერი გაციების საუკეთესო და უებარი წამალია. გასათბობად კიდევ ერთი ეფექტური დეტალი შეგიძლია გამოიყენო — საყვარელი ჭიქისათვის მოქსოვილი სპეციალური ჩასაცმელი.

გრძელვადიანი გათბობისთვის

თუმცა თუკი მაინც გსურს, რომ დილით თბილი საბნიდან ფეხის გამოყოფა სუსხის გამო არ გეზარებოდეს, სჯობს, უფრო გრძელვადიან გათბობაზე იფიქრო, რომელიც შენს განწყობაზეც გრძელვადიან პერსპექტივაში იზრუნებს და მხოლოდ მომენტებს კი არა, ყოველდღიურობას გაგიხალისებს. ამისათვის ტექნიკის მაღაზიათა ქსელის, "გრანდ ელექტრონიქსის" ექსპერტ-კონსულტანტები გირჩევენ ცენტრალური გათბობის სისტემების — warmhaus-ისა და Beretta-ს ცენტრალური გათბობის ქვაბების დამონტაჟებას. ისინი ყოველდღიურად, დღე-ღამის განმავლობაში არიან მზად შენი ბინის პარამეტრებზე მორგებული ქვაბის სწორად შერჩევაში მოგეხმარონ, მონტაჟის პროცესსაც ერთი ორად გაგიადვილებენ და ჩართვის ინსტრუქციასაც ზედმიწევნით აგიხსნიან. თანაც, გაითვალისწინე ისიც, რომ ამ ბრენდების ცენტრალური გათბობის ქვაბები ეკოლოგიურთან ერთად ეკონომიურიცაა, რაც იმას ნიშნავს, რომ ყოველთვიურად მოსული კომუნალური გადასახადი არც ისე ბევრი იქნება.

ნებისმიერი ტექნიკის ყიდვა "გრანდ ელექტრონიქსის" ვებგვერდის საშუალებით 24/7- ზეა შესაძლებელი. გარდა ამისა, სახლში მიტანა უფასოა თბილისის, რუსთავის, ზუგდიდის, ქუთაისისა და ბათუმის მასშტაბით.