ქართული ოცნების დეპუტატმა, ლადო კახაძემ ჟურნალისტების კითხვას, თუ რამ დაღალა საქართველოს პრეზიდენტი ასე უპასუხა "კუნთს აქვს თვისება, რომ დაიღალოს"

"კუნთს აქვს თვისება, რომ დაიღალოს და ამუშავდეს, ეს არის მისი თვისება, რესურსი გამოიყენოს. პრეზიდენტის განცხადება, ალბათ, ასე ვიფიქრე, გულისხმობდა იმას, რომ ჩვენი ქვეყანა 30 წელიწადია იბრძვის, იღწვის, მიდის დემოკრატიის გზაზე, მიდის ევროკავშირის გზაზე. გარკვეულწილად, ზოგჯერ არის წინააღმდეგობრივი ურთიერთობა არასწორად მოფიქრალი ოპოზიციის მხრიდან, რომელმაც შეიძლება გამოიწვიოს გარკვეულად კუნთის გადაძალვა", — ამბობს კახაძე.

საქართველოს პრეზიდენტმა, სალომე ზურაბიშვილმა მე-10 მოწვევის პარლამენტის პირველ სხდომაზე, სიტყვით გამოსვლის დროს ერთ-ერთ თემად "დაღლა" აირჩია, მისი თქმით, ძალიან დამღლელია, ქართული და კავკასიური ზრდილობის უგულებელყოფით.

"დავიღალეთ" გაუთავებელი ლანძღვით, შეურაცხყოფებით, სიძულვილი ქვეყანას ტოვებს გახლეჩილს, დაუცველსა და დასუსტებულს იმ დროს, როცა მას ყველაზე მეტად სჭირდება ეროვნული ენერგიის მობილიზება გამოწვევებთან გასამკლავებლად", — ამობობს ზურაბიშვილი.

დღეს, 11 დეკემბერს პარლამენტში მე-10 მოწვევის სხდომა მიმდინარეობს, რომელშიც მხოლოდ ქართული ოცნება იღებს მონაწილეობას. სხდომაზე ასევე არიან მიწვეული პრეზიდენტი, პატრიარქი და დიპლომატები. პატრიარქის ნაცვლად, სხდომას მისი მოსაყდრე, შიო მუჯირი ესწრება.

სხდომის პარალელურად, მოსწავლე ახალგაზრდობის სასახლის ეზოში შეკრებილმა ოპოზიციის ნაწილმა მანდატებზე უარი თქვა და ხელი მოაწერა საერთო მემორანდუმს ბოიკოტის შესახებ