მოქალაქეების ლიდერის, ალეკო ელისაშვილის თქმით, ოპოზიცია სამ ნაწილად იყოფა. მისი განმარტებით, ესენია: "საბოტანჟიკები, ორჭოფები და შეთანხმებისტები".

"საბოტაჟნიკები, რომლებსაც ნებისმიერ ფასად ამ მოლაპარაკების ჩაშლა უნდათ და ესენი არიან ბოკერია, უგულავა. არიან ორჭოფები, რომლებიც დახურულ კარს მიღმა ამას ლაპარაკობენ, გარეთ გამოდიან სხვა რაღაცას ლაპარაკობენ. ვართ ჩვენ და კიდევ რამდენიმე პარტია, რომლებიც პირადპირ ვამბობთ რასაც ვფიქრობთ და ჩვენ ვართ შეთანხმებისტები", — განაცხადა ელისაშვილმა TV პირველის ეთერში.

მისივე თქმით, ნაციონალური მოძრაობა მერყეობს, ოღონდ "პატიოსანდ", რადგან პარტია სხვადასხვა ადგილას განსხვავებულ კომენტარებს არ აკეთებს. ელისაშვილის განცხადებით, ენმ "არ მაიმუნობს და ყოველ შემთხვევაში, ხალხს არ ატყუებს".

დღე მეათე მოწვევის პარლამენტი ოფიციალურად დაიწყებს მუშაობას. უკვე რამდენიმე კვირაა, მმართველ პარტიასა და ოპოზიციას შორის მოლაპარაკებები მიმდინარეობს. მართალია, მხარეები დეტალებს არ ასაჯაროებენ, თუმცა ამბობენ, რომ გარკვეულ პუნქტებზე აზრების დაახლოება მოხერხდა. მიუხედავად ამისა, ოპოზიციისთვის "პრინციპული საკითხები", როგორიცაა რიგგარეშე არჩევნები და პოლიტპატიმრების გათავისუფლება, ქართული ოცნებისთვის კვლავ წითელ ხაზად რჩება.