ამერიკის პრეზიდენტმა დონალდ ტრამპმა ორშაბათს გამოსცა ბრძანება, რომელიც კრძალავს ამერიკისგან დაფინანსდეს საზღვარგარეთ არსებული ის ამერიკული არასამთავრობო ორგანიზაციები, რომლებიც აბორტის თემაზე ინფორმაციას აწოდებდნენ პაციენტებს, ოჯახებს, ან შესაბამისი სერვისით ეხმარებოდნენ.

გლობალურმა ორგანიზაციამ, PAI, რომელიც ოჯახის დაგეგმვის იდეას ემხრობა, განაცხადა, რომ ამ გადაწყვეტილების მიღებით, ტრამპის ადმინისტრაციამ მუშაობა ქალების სადამსჯელო მოქმედებით დაიწყო.

CNN-ის ცნობით, ამ ნაბიჯით ტრამპმა დააბრუნა აღნიშნულ საკითხზე რეიგანის ადმინისტრაციის მიერ გატარებული პოლიტიკა, რომელიც ჯერ ბილ კლინტონმა გააუქმა, შემდეგ ბუშმა აღადგინდა და 2009 წელს ბარაკ ობამამ კვლავ გააუქმა. შესაბამისად, ეს არის ის საკითხი, რასაც უკვე წლებია აშშ–ს რესპუბლიკელი და დემოკრატი პრეზიდენტები თავიანთი შეხედულებისამებრ ცვლიან.

აღნიშნულ ბრძანებაზე ხელის მოწერისას, ამერიკის პრეზიდენტი თეთრკანიანი კაცების გარემოცვაში იმყოფებოდა, რაც გადაწყვეტილების გაკრიტიკების კიდევ ერთი მიზეზი გახდა:

"ამ ჯგუფმა მსოფლიოს სხვადასხვა კუთხეში ქალებისთვის ჯანმრთელობაზე ხელმისაწვდომობა კიდევ უფრო გაართულა. მითხარით, რა პრობლემას ხედავთ სურათზე?" - წერს კალიფორნიელი სენატორი კამალა ჰარისი ტვიტერზე.

ბარაკ ობამას დროსაც კი, ამერიკის კანონი კრძალავდა აბორტის სერვისის პირდაპირ დაფინანსებას, თუმცა არასამთავრობო ორგანიზაციები, რომლებიც ასრულებდნენ პროცედურას, გასცემდნენ კონტრაცეფციას და ხელმისაწვდომს ხდიდნენ აბორტის შემდეგ მკურნალობას, აშშ-სგან დაფინანსებას იღებდნენ.