გირჩის ერთ-ერთმა ლიდერმა, იაგო ხვიჩიამ განაცხადა, რომ ქართულ ოცნებასთან მოლაპრაკების მესამე რაუნდი, შესაძლოა, ხვალ ან ზეგ გაიმართოს.

"ქართულმა ოცნება წარმოადგინა თავისი წინადადება, მიდიდოდა პოზიციების შეჯერება ამ წინადადებასთან დაკავშირებით ოპოზიციის შიგნით. ჩვენ უახლოეს დღეებში, შესაძლოა, ხვალ, შესაძლოა, ზეგ მოლაპარაკების მესამე ტურს ველოდებით, ამიტომ პოზიცია ამასთან დაკავშირებით შევაჯერეთ", — განაცხადა იაგო ხვიჩიამ.

31 ოქტომბერს გამართული საპარლამენტო არჩევნების შედეგებს ოპოზიცია არ აღიარებს. მათ უარი თქვეს მეორე ტურში მონაწილეობაზე და არ აპირებენ პარლამენტში შესვლას. პოლიტიკური კრიზისიდან გამოსავლის საპოვნელად აშშ-სა და ევროკავშირის ელჩების შუამავლობით მმართველი პარტიისა და ოპოზიცურ პარტიებს შორის მოლაპარაკებები მიმდინარეობს. ოპოზიცია მოითხოვს ჩატარდეს რიგგარეშე არჩევნები, გათავისუფლდნენ პოლიტპატიმრები და გადადგეს ცენტრალური საარჩევნო კომისიის თავმჯდომარე, თამარ ჟვანია. ქართულ ოცნებაში ამბობენ, რომ რიგგარეშე არჩევნების ჩატარების საკითხი არ განიხილება.