საქპატენტში სასაქონლო ნიშნის რეგისტრაციაზე 6 თვით 50%-იანი ფასდაკლება იქნება. უწყების თავმჯდომარის, მინდია დავითაძის განცხადებით, ეს გადაწყვეტილება "მთავრობის მხრიდან ბიზნესის მხარდაჭერის ღონისძიებების ფარგლებში" მიიღეს.

"ეს უმთავრესად ბიზნესის მხარდაჭერისა და დახმარების, მათი წახალისების მიზანს ემსახურება, რაც ხარჯის შემცირების გზით ძალიან ღირებული აქტივის შეძენის შესაძლებლობას იძლევა", — აცხადებს დავითაძე.

მისივე თქმით, ამ შეღავათით ისარგებლებს ყველა განმცხადებელი, რომელიც საშეღავათო პერიოდში უწყებას ელექტრონულად მიმართავს. ფასდაკლება 7 დეკემბრიდან 7 ივნისამდე იმოქმედებს.

"ამ ინიციატივის ღირებულება 405 000 ლარია, რომელიც მთლიანად კერძო სექტორში დარჩება", — დასძინა დავითაძემ.