დაავადებათა კონტროლის ეროვნული ცენტრის დირექტორის, ამირან გაყმრელიძის თქმით, შეძენილი ვაქცინებიდან 10 ათას დოზა სახელმწიფომ ოკუპირებულ აფხაზეთს გადასცა. ამის შესახებ მან საკოორდინაციო საბჭოს წევრების ბრიფინგზე ისაუბრა.

"დღეის მონცემებით, სახელმწიფომ შეისყიდა 235 ათასი გრიპის ვაქცინის დოზა. ამ ეტაპზე დახარჯულია 160 ათასი დოზა, მათ შორის 10 ათასი დოზა გადავეცით აფხაზეთს, ასევე, აიცრა ჩვენი ჯარი და დანარჩენი რისკჯგუფებიც", — განაცხადა გამყრელიძემ.

მისივე თქმით, თუ აქამდე 65 წელს ზემოთ ქრონიკული დაავადების მქონე ადამიანები იცრებოდნენ, ახალი ცვლილებების თანახმად, ეს ყველას შეეძლება. გამყრელიძის განცხადებით, მიუხედავად იმისა, რომ ასეთი დიდი რაოდენობის ვაქცინა არცერთ წელს არ ჰქონია საქართველოს, მიმართვიანობა მაინც დაბალია.