17 წლის ამერიკელი მომღერალი ბილი აილიში გრემის რეკორდსმენი გახდა. ის პირველი მუსიკოსია, რომელმაც ამ ასაკში რეკორდული რაოდენობის, 6 ნომინაცია მოიპოვა, მათ შორის ოთხი მთავარ კატეგორიებში.

მუსიკოსი შემდეგ ნომინაციებშია წარდგენილი:

  1. წლის საუკეთესო სოლო პოპ-შესრულება;
  2. წლის საუკეთესო ახალი არტისტი;
  3. წლის საუკეთესო ჩანაწერი;
  4. წლის საუკეთესო ალბომი;
  5. წლის სიმღერა;
  6. წლის საუკეთესო პოპ ვოკალური ალბომი.

აილიშს ნომინაციები ახალმა ალბომმა, When We All Fall Asleep, Where Do We Go? და სინგლმა Bad Guy მოუტანა.

ამერიკის ხმისჩამწერი აკადემიის რიგით 62-ე დაჯილდოების ნომინანტები გუშინ გამოვლინდნენ. როგორც ჩანს დაჯილდოება წელს ახალგაზრდული და მრავალფეროვანი იქნება. ამის გარდა, ნომინაციებში, ისევე როგორც წინა წელს, კვლავ ქალები ლიდერობენ — ბილი აილიში, Lizzo და არიანა გრანდე. ექვსი ნომინაციით ლიდერობს 20 წლის ფერადკანიანი შემსრულებელი Lil Nas X-ც.

გრემის დაჯილდოება 2020 წლის 26 იანვარს კვლავ ლოს-ანჯელესში, სტეიპლის ცენტრის არენაზე გაიმართება.

ამავე თემაზე: