დაავადებათა კონტროლისა და ჯანმრთელობის ეროვნული ცენტრის ხელმძღვანელი, ამირან გამყრელიძე კორონავირუსით მზარდი ინფიცირების ფონზე ბათუმში მიმდინარე აქციებს აფასებს როგორც უპასუხისმგებლობას.

"დღეს ჩვენ, ყველა და პოლიტიკური პროცესიც უნდა ემორჩილებოდეს პანდემიის მართვას იმიტომ, რომ სერიოზული პანდემიის წინაშეა მსოფლიო, სერიოზული ზრდა გვაქვს ქვეყანაში ინფიცირების. ამის შეჩერების რამდენიმე გზაა, ერთ-ერთია ის შეზღუდვები, რაც ქვეყანამ დააწესა, მაგრამ დაწესება ერთია და მისი აღსრულება მეორე. თუ არ აღვასრულებთ, ისე არაფერი გამოვა", — განაცხადა ამირან გამყრელიძემ.

აჭარის მთავრობის სახლთან აქცია მიმდინარეობას. აქციის მონაწილეები აჭარის მთავრობის თავმჯდომარესთან, თორნიკე რიჟვაძესთან შეხვედრას ითხოვენ. აქციაზე იმყოფებიან ოპოზიციის წარმომადგენლებიც.

ბათუმში ერთიანი ნაციონალური მოძრაობის წარმომადგენლის გიორგი კირთაძის თქმით, აქცია მიმდინარეობს სრული რეგულაციების დაცვით.

"თორნიკე რიჟვაძის კაბინეტში ყოფნას რა აზრი აქვს, მაინც არაფერს აკეთებს, არ ვიცი პიკეტირება იქნება თუ არა, მაგრამ ეს კაცი არაფერს აკეთებს", — განაცხადა კირთაძემ.

შეხვედრაზე უარის მიღების შემდეგ აქციის მონაწილეებმა აჭარის მთავრობის თავმჯდომარის სამუშაო კაბინეტის ფანჯრებთან გადაინაცვლეს.

ოპოზიციური პარტიები 31 ოქტომბერს ჩატარებული საპარლამენტო არჩევნების შედეგებს აპროტესტებენ. აჭარაში უკვე ერთი თქვა აქციები მიმდინარეობს.

30 ნოემბრის მონაცემებით, ბოლო 24 საათის განმავლობაში კორონავირუსის 3 216 ახალი შემთხვევა დადასტურდა. გამოჯანმრთელდა — 3 937, ხოლო გარდაიცვალა — 37.