მთავრობა საქალაქთაშორისო ტრანსპორტს ისევ აჩერებს. საკოორდინაციო საბჭოს გადაწყვეტილებით, ქვეყნის მასშტაბით, 28 ნოემბრიდან 31 იანვრის ჩათვლით არ იმუშავებს საქალაქთაშორისო ტრანსპორტი, გარდა საგამონაკლისი პერი. ეს შეზღუდვა არ წესდება, მხოლოდ მსუბუქ ავტომობილებსა და ტაქსებზე.

24 დეკემბრიდან 2 იანვრის პერიოდში ხდება შეზღუდვების შემსუბუქება: კერძოდ, აღდგება როგორც მუნიციპალური, ისე საქალაქთაშორისო ტრანსპორტის მუშაობა. 3 იანვრიდან 15 იანვრის ჩათვლით პერიოდში შეზღუდვები ისეთივე იქნება, როგორც 24 დეკემბრამდე. ხოლოდ 16 იანვრიდან 31 იანვრის ჩათვლით მუნიციპალური და საქალაქთაშორისო ტრანსპორტის მუშაობა აღდგება გარდა, შაბათ-კვირისა.

გაიგეთ მეტი ახალ შეზღუდვებზე:

25 ნოემბერს საქართველოში კორონავირუსის 3 071 ახალი შემთხვევა დადასტურდა, გამოჯანმრთელდა — 3 366 , გარდაიცვალა — 34. ქვეყანაში პანდემიის გავრცელებიდან დღემდე დადასტურდა 114 889 შემთხვევა, საიდანაც გამოჯანმრთელდა 95 581-მდე და გარდაიცვალა 1 085.

ეპიდემიოლოგები და სამთავრობო გუნდის წევრები ამბობდნენ, რომ ვირუსის პრევენციისთვის შეზღუდვები აუცილებელია, თუმცა სრული "ლოქდაუნი" ქვეყნის ეკონომიკას დააზარალებს, ამიტომ ეტაპობრივად, წერტილოვანი შეზღუდვები დაწესდება.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: