ნაციონალური მოძრაობის პოლიტსაბჭოს თავმჯდომარე ნიკა მელია გახდა. მისი მოადგილეები კი გიორგი ვარშალომიძე და ზაზა ბიბილაშვილი იქნებიან. ისინი რამდენიმე წუთის წინ პარტიის დელეგატებმა ხმათა უმრავლესობით აირჩიეს.

ნაციონალური მოძრაობის ვებგვერდის მიხედვით, პარტიის პოლიტიკური საბჭო კოლექტიური აღმასრულებელი ორგანოა.

პოლიტიკური საბჭო 4 წლის ვადით ირჩევა და ის არანაკლებ 21 წევრისგან შედგება. პოლიტიკურ საბჭოს უფლებამოსილება შეიძლება ვადამდე შეუწყდეს თუ ყრილობა აირჩევს საბჭოს ახალ შემადგენლობას.