მთავრობის ადმინისტრაციაში სავაჭრო ცენტრებისა და მსხვილი ქსელური მაღაზიების წარმომადგენლებს შეხვდნენ. როგორც ადმინისტრაციაში ამბობენ, მთავრობის ეკონომიკურმა გუნდმა ბიზნესის წარმომადგენლებთან ეპიდემიოლოგიურ ვითარებასა და შესაძლო წერტილოვან შეზღუდვებზე განიხილა.

შეხვედრისას, აღინიშნა, რომ ამ ეტაპზე, სრული "ლოქდაუნი" არ იგეგმება, თუმცა გაფართოვდება წერტილოვანი შეზღუდვები.

მთავრობის ადმინისტრაციაში ამბობენ, რომ იგეგმება მთავრობის მხრიდან ბიზნესის მხარდასაჭერი დამატებითი ღონისძიებები, რომლის შესახებაც უახლოეს პერიოდში გახდება ცნობილი.

დღეს ეკონომიკური ჯგუფი, რომელშიც ინფრასტრუქტურის, ეკონომიკისა და ფინანსთა მინისტრები შედიან, რესტორნის მფლობელებსაც შეხვდა.