ავღანეთის დედაქალაქ ქაბულში სარაკეტო თავდასხმა მოხდა. შემთხვევის შედეგად სულ მცირე 8 ადამიანი გარდაიცვალა, 31 კი დაშავდა. ინფორმაციას ამის შესახებ Reuters პოლიციაზე დაყრდნობით ავრცელებს.

ავღანეთის შინაგან საქმეთა სამინისტროს სპიკერის განცხადებით, 14 რაკეტა "ტერორისტემა" სატვირთო მანქანიდან გაუშვეს. მისი თქმით, საიდან აღმოჩნდა ეს მანქანა ქალაქის შიგნით უცნობია და ამაზე გამოძიება მიმდინარეობს.

მედიის ცნობით, ერთ-ერთი რაკეტა ირანის საელჩოს მიმდებარე ტერიტორიაზე ჩამოვარდა. მისი ნაწილები მთავარ შენობას მოხვდა, თუმცა გავრცელებული ინფორმაციით, იქ არავინ დაშავებულა.