სომხეთის ყოფილი პრეზიდენტის, სერჟ სარგსიანის ცოლი, რიტა სარგსიანი 58 წლის ასაკში კორონავირუსით გარდაიცვალა. გამოცემა TASS-ს ეს ინფორმაცია ექს-პრეზიდენტის ოფისში დაუდასტურეს.

აქამდე, სომხური გამოცემები ავრცელებდნენ ინფორმაცია, რომ რიტა სარგსიანი კომაში იყო.

10-წლიანი პრეზიდენტობის შემდეგ სერჟ სარგსიანი 2018 წელს ქვეყნის პრემიერმინისტრი გახდა. ამას წინ უძღოდა ქვეყანაში საკონსტიტუციო ცვლილებები, რომლის შედეგადაც სომხეთი საპარლამენტო რესპუბლიკად იქცა და ქვეყნის ლიდერი პრემიერმინისტრი ხდებოდა. ძალაუფლების სათავეში სარგსიანის დარჩენამ მოქალაქეების პროტესტი მოჰყვა. 2018 წელს ხავერდოვანი რევოლუციის შედეგად სარგსიანმა პრემიერის პოსტი დატოვა, რომელიც მას სულ რაღაც 6 დღე ეკავა.