თუ გგონიათ, რომ მომაბეზრებელი ნათესავები და მეზობლები, რომლებიც ყოველ შეხვედრაზე გეკითხებიან, ხომ არ გათხოვილხართ ან ცოლი ხომ არ მოგიყვანიათ, მხოლოდ ქართული მოვლენაა, ძალიან შემცდარხართ.

ჩინელი ახალგაზრდებიც ამ პრობლემის წინაშე დგანან და ახალ წელს გარდაუვალი საოჯახო შეხვედრებისთვის დიდი მონდომებით ემზადებიან. სადღესასწაულო სადილებსა და წვეულებებზე აბეზარი ნათესავების გასაჩუმებლად ისინი პარტნიორებს ქირაობენ, რომლებსაც ბებიებს, ბაბუებს და, რაც მთავარია, ბიცოლებს, საცოლეებად ან საქმროებად შეასაღებენ.

პარტნიორების ძიება სხვადასხვა საიტებსა და ფეისბუქის ჯგუფებშია შესაძლებელი. ადამიანები, რომლებსაც ვიღაცის შეყვარებულად თავის გასაღებით ფულის შოვნა უნდათ, თავიანთ ფოტოებს, ფიზიკურ მონაცემებს, პროფესიას, აკადემიურ მიღწევებს და ა.შ. ონლაინ ათავსებენ და "კლიენტს" ელიან.

ფოტო: NG YI SHU / MASHABLE

"როცა შეყვარებული არ მყავს, ჩემი ნათესავები და მეზობლები ალმაცერად მიყურებენ, თითქოს ვეცოდები ან რაღაც უცნაურობა მჭირს. მე კი ჩემი გეგმები და სურვილები მაქვს და ცოლის მოყვანა საერთოდ არ არის ჩემი პრიორიტეტი", - ამბობს ერთ-ერთი ახალგაზრდა, რომელსაც მამამ ეს სიტყვები უთხრა: "結婚，你屁股洞" ("ცოლი მეიყვანე, შე პრო*ო").