BBC-ის ცნობით, ცენტრალურ იტალიაში, აბრუზოს რეგიონში ჩამოწოლილი ზვავის შედეგად, მაშველებმა 3 დაღუპული იპოვეს, დანარჩენი 35 ადამიანის ძებნა კი კვლავ მიმდინარეობს. სასტუმროს გარეთ მყოფი 2 ადამიანი გადარჩა. დაკარგულთა შორის 6-დან 9 წლამდე ასაკის სამი ბავშვია, ყველაზე მოხუცი ადამიანი კი 60 წლის არის.

ზვავი 18 იანვარს მომხდარმა მიწისძვრების სერიამ გამოიწვია. მაშველების თქმით, თოვლში დამარხულ ადამიანებს ძაღლების დახმარებითაც ვერ მიაკვლიეს.

აბრუცოს რეგიონში, გრან სასოს მთასთან ახლოს მდებარე სასტუმრო რიგოპიანოს ზვავი დაეცა. 18 იანვარს, ცენტრალურ იტალიაში ზედიზედ ოთხი მიწისძვრა მოხდა. ბიძგები იგრძნობოდა რომში, ფლორენციასა და ნეაპოლში.