ევროპული საქართველოს ერთ-ერთი ლიდერი, გიგი უგულავა ამომრჩევლებს 21 ნოემბერს ჩანინშულ საპარლამენტო არჩევნების მეორე ტურის ნაცვლად, საპროტესტო აქციებში მონაწილეობისკენ მოუწოდებს.

"მოვუწოდებთ მოქალაქეებს, რომლებიც თვლიან რომ არჩევნები ქვეყანაში არსებითად გაყალბდა, არ მიიღონ ამ სიყალბეში მონაწილეობა და პირიქით მიიღონ მონაწილეობა საპროტესტო აქციებში", — განაცხადა უგულავამ ლელოს ოფისში ოპოზიციის შეხვედრის დასრულების შემდეგ.

მან კიდევ ერთხელ აღნიშნა, რომ არჩევნების მეორე ტურში მონაწილეობას არცერთი ოპოზიციური პარტია მიიღებს. რაც შეეხება საპროტესტო აციას, უგულავას თქმით, ოპოზიციის წარმომადგენლების მორიგი შეხვედრა ხვალ, 20 ნოემბერს გაიმართება, სადაც 21 ნოემბერს გასამართი აქციის საბოლოო გეგმასა და გრაფიკზე შეთანხმდებიან.

საქართველოში საპარლამენტო არჩევნების მეორე ტური 21 ნოემბერსა დანიშნული. ოპოზიცია მასში არ მონაწილეობს. რადგან 31 ოქტომბერს ჩატარებული არჩევნების შედეგებს არ აღიარებენ. მათ საპარლამენტო მანდატებზე უარი უკვე თქვეს. რიგგარეშე არჩევნების მოთხოვნით, ოპოზიციის წარმომადგენლები საპროტესტო აქციებს მართავენ.