The Crown-ს აუცილებლად უნდა დავუფასოთ დიზაინერი, რომელმაც შეძლო, და პრინცესა დაიანას რამდენიმე ცნობილი კოსტიუმი სერიალში უბადლო სიზუსტით გადმოიტანა. ახალგაზრდა ლედი დის ნეტფლიქსის სერიალში ანა კორინი ასახიერებს.

პრინცესა დაიანა არამხოლოდ საზოგადოების საყვარელი სამეფო ოჯახის წევრი იყო, ის ასევე მე-20 საუკუნის მოდის ერთ-ერთ განმსაზღვრელ და გავლენიან ფიგურად ითვლება. მისი სტილი უამრავ ქალს შთააგონებდა.

ეს სურათები დაგარწმუნებთ, რომ ნეტფლიქსის კოსტიუმების დეპარტამენტის ხელმძღვანელებმა კარგად იმუშავეს, ლედი დის სურათები ყურადღებით დაათვალიერეს და მისი სამოსი დეტალურად შეისწავლეს.

1. პირველი უნაკლო მსგავსება მეორე ეპიზოდში ვიხილეთ, რომელშიც ჩარლზი და დაიანა უკვე დანიშნულები არიან

2. ასეთივე ზუსტი იყო კოსტიუმები ნიშნობის გამოცხადების დღიდან

3. შთამბეჭდავად აღადგინეს პრინცესა დაიანას საქორწინო კაბაც

ფოტო: Netflix

ფოტო: Anwar Hussein

როგორც სერიალის კოსტიუმების დიზაინერმა ემი რობერტსმა განაცხადა, მას არ სურდა, ზუსტად იგივე კაბა შეექმნა, რომელიც დიზაინერებმა დევიდ და ელიზაბეტ ემანუელებმა შეუკერეს პრინცესას, თუმცა უნდოდა, რომ სერიალში "იგივე განწყობა და სტილი" შეენარჩუნებინა.

4. კოსტიუმები ჩარლზისა და დაიანას 1983 წლის ტურნედან ავსტრალიასა და ახალ ზელანდიაში

5. ზურმუხტისფერი კოპლებიანი კაბა პრინცი უილიამსის ერთ-ერთი პირველი ფოტოსესიიდან

6. მალინისფერი კაბა იგივე ტურნედან

7. მწვანე დიდსაყელოიანი კაბა რადიოინტერვიუს დროს

8. და ბოლოს, ცისფერი კაბა ფინალიდან, რომელიც დაიანას კანბერაში ეცვა

სერიალის მეხუთე და მეექვსე სეზონებში პრინცესა დაიანას როლში უკვე ელიზაბეტ დებიკს ვიხილავთ. როგორც ცნობილია, ნეტფლიქსის გახმაურებული დრამა The Crown მეექვსე სეზონით დასრულდება. სერიალის მეხუთე და მეექვსე სეზონები 90-ანებსა და 2000-იანებში განვითარებულ მოვლენებზე მოგვითხრობს. შესაბამისად, ეკრანებზე ვიხილავთ პრინცესა დიანას გარდაცვალების ამბავსა და ამ ფაქტით გამოწვეულ კრიზსს, რომელშიც სამეფო ოჯახი იმყოფებოდა.