ევროპული საქართველოს ერთ-ერთი ლიდერი, გიგა ბოკერია აცხადებს, რომ საქართველოს სჭირდება "პოლიტიკური ჭირის" მოშორება, რასაც ივანიშვილის გუნდი ჰქვია. ამის შესახებ ბოკერიამ TV პირველის ეთერში ისაუბრა.

"ჩვენ გვჭირდება პოლიტიკური ჭირის მოშორება, რასაც ივანიშვილი და მისი სამარცხვინო პოლიტიკური არარაობების გუნდი ჰქვია და ფორმაში ყოფნა, როცა გვექნება შანსი, რომ ამ ჭაობიდან გავაღწიოთ და ჩვენი თავისუფლება, მომავალი და კეთილდღეობა დავიცვათ მთავარი მტრისგან, რასაც პუტინის რუსეთი ჰქვია", — განაცხადა ბოკერიამ.

მისივე თქმით, იმ შემთხვევაში, თუ ხელისუფლება ახალ არჩევნებს დანიშნავს, ოპოზიცია იქნება მოქნილი, რათა ქვეყანას "შარი ააცილოს".