იუსტიციის ყოფილმა მინისტრის და ქართული ოცნების პარტული სიის მეოთხე ნომრის, თეა წულუკიანის აზრით, ოპოზიციის განცხადება მეორე ტურში არმონაწილეობაზე არის "ფაქტობრივი და სამართლებრივი ბლეფი".

"ოპოზიციის განცხადება, რომ ისინი არ მონაწილეობენ მეორე ტურში, არის როგორც ფაქტობრივი, ასევე სამართლებრივი ბლეფი, რადგან ჩვენი კანონმდებლობა არ ითვალისწინებს იმას, რომ მეორე ტურში ვინმემ აღარ მიიღოს მონაწილეობა", — აცხადებს წულუკიანი.

ოპოზიცია 31 ოქტომბერს ჩატარებული არჩევნების შედეგებს არ აღიარებს. მათ საპარლამენტო მანდატებზე უარი უკვე თქვეს. მიუხედავად ამისა, ბიულეტენში მათი სახელები და გვარები მაინც იქნება, თუმცა წინასაარჩევნო კამპანია აღარ ჩაუტარებიათ. ხელახალი არჩევნების მოთხოვნით, ოპოზიციის წარმომადგენლები საპროტესტო აქციებს მართავენ.