19 ნოემბერს, თიბისი უმასპინძლებს ონლაინ ბიზნესფორუმს, სადაც მთავარი სპიკერი ანტრეპრენერი, VaynerX-ის დამფუძნებელი გარი ვაინერჩუკი იქნება.

გარი ვაინერჩუკი საკმაოდ ცნობილი ადამიანია ციფრულ მარკეტინგსა და სოციალურ მედიაში. ის არის დამფუძნებელი და გენერალური დირექტორი საკომუნიკაციო და სარეკლამო კომპანიებისა — VaynerX და VaynerMedia. მისი კომპანიების სათაო ოფისები მდებარეობს ნიუ-იორკში. კომპანიები ემსახურებიან Fortune 100-ის სიაში მყოფ ბიზნესებს მსოფლიოს ოთხ სხვადასხვა ქვეყანაში მდებარე ფილიალებიდან.

ვაინერჩუკი ბელორუსიული წარმომავლობის ამერიკელია, რომელმაც 90-იან წლებში ოჯახის კუთვნილი სასმელების მაღაზია მრავალმილიონიან ბიზნესად აქცია. ამისთვის მან ელექტრონული კომერცია და ინტერნეტის შესაძლებლობები გამოიყენა. ასე შეიქმნა მისი პირველი კომპანია Wine Library. ის, ასევე, არის რესტორნების სარეზერვაციო აპის Resy-ს შემქმნელი. ეს არასრული ჩამონათვალია იმასთან შედარებით, რასაც ვაინერჩუკი აკეთებს. ის ცნობილი სპიკერი, პოდკასტების სერიის და არაერთი წიგნის ავტორია, რომლებიც ნიუ-იორკ თაიმსის ბესტსელერებად დასახელდა. ვაინერჩუკი ატარებს მასტერკლასებს და ტრენინგებს მსოფლიოს მრავალ ქვეყანაში ციფრული კომუნიკაციისა და მარკეტინგის შესახებ.

გარი ვაინერჩუკი მოსმენის შესაძლებლობა პირველად მიეცემა ქართველ აუდიტორიას. ის თიბისის ბიზნესფორუმის სტუმარია, რომელზეც იქნება Q&A სესია, სადაც აუდიტორიის შეკითხვებს უპასუხებს.

ამას გარდა, ბიზნესფორუმზე სხვა არანაკლებ საინტერესო სპიკერების მოსმენასაც შეძლებთ. ბიზნესფორუმზე დასასწრები რეგისტრაციის ლინკი კი, თიბისის ფეისბუქ გვერდზე გამოქვეყნდება.