NDI-ის მიერ გამოკითხულთა მხოლოდ 77% აცხადებს, რომ არჩევნების პირველ და/ან მეორე ტურზე გამოცხადდა. სწორედ ამ 77%-დან 62%-მა გადაწყვეტილება, თუ ვის მისცემდა ხმას, კამპანიის დაწყებამდე, ივლისამდე, მიიღო.

NDI-ის მიხედვით, არჩევნებზე მისული ამომრჩევლის 11 პროცენტმა გადაწყვეტილება, თუ ვის მისცემდა ხმას, არჩევნების დღეს მიიღო, ხოლო საარჩევნო კამპანიის განმავლობაში მხოლოდ 27-მა.

აღსანიშნავია, რომ 2016 წლის ივლისის ბოლოს, NDI-ის მიერ გამოქვეყნებული კვლევის შედეგების მიხედვით, გამოკითხულთა 57%-ს გადაწყვეტილი არ ჰქონდა, თუ ვის მისცემდა ხმას არჩევნებში.

დღეს, 18 იანვარს, ეროვნულ-დემოკრატიულმა ინსტიტუტმა (NDI) და CRRC–საქართველომ 2016 წლის ნოემბერ-დეკემბერში ჩატარებული საზოგადოებრივი აზრის კვლევის შედეგების მეორე ნაწილი წარადგინა.

კვლევის საველე სამუშაოები ჩატარდა 4 ნოემბერი - 4 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 3,141 პირისპირ ინტერვიუს წარმომადგენლობითი შერჩევის საფუძველზე.