განათლების მინისტრის, ალექსანდრე ჯეჯელავას განცხადებით, იმ დირექტორების პასუხისმგებლობის საკითხი დადგება, რომლებსაც შეეძლოთ სკოლებში საპირფარეშოების მოწესრიგება და არ გააკეთეს. მისივე თქმით, სამინისტრომ უკვე გასცა შესაბამისი განკარგულება სკოლებისთვის, რომ არსებული ინფრასტრუქტურით მოწესრიგდეს სველი წერტილები:

"ამ ეტაპზე საუბარია, რომ ყველა მიმართულებით შევუტიოთ, ასე ვთქვათ, ჰიგიენის საკითხს. მათ შორის, ჩვენ დირექტორებს ვთხოვეთ, რომ რა დონეზეც არის შესაძლებელი, მათი არსებული ინსფრასტრუქტურით მოწესრიგება, იმას გააკეთებენ და ეს ჩვენი დავალებაც არის თხოვნაც. გასაგებია, რომ ძალიან კარგია სააქტო დარბაზი და ცეკვის სცენა, მაგრამ ჩვენ თუ ელემენტარული პირობები ვერ უზრუნველვყავით ჩვენი ბავშვებისთვის, მაშინ აზრი არ აქვს. აუცილებლად დადგება დირექტორების პასუხისმგებლობის საკითხი, ყველა შემთხვევაში, სადაც შესაძლებელი იყო სველი წერტილის მოწესრიგება და არ მოხდა".