ქართული ოცნების პარტიული სიის მე-18 ნომრის, გიორგი ხელაშვილის განცხადებით, საოლქო კომისიის საჩივრების საფუძველზე მოხდა 19 უბნის გადათვლა, სადაც არსად მნიშვნელოვანი ხარვეზი არ გამოვლენილა.

"საოლქო საარჩევნო კომისიებში დინამიურად მიმდინარეობს საჩივრების განხილვა და უპრეცენდენტო რაოდენობა, 19 საარჩევნო უბნის გადათვლა მოხდა. ალბათ, ნაწილი გადაინაცვლებს სასამართლოში. შეგახსენებთ, რომ გადათვლილი უბნებიდან ჯერჯერობით არსებითად მნიშვნელოვანი ხარვეზები არსად არ გამოვლენილა, მითუმეტეს, გამოვლენილი დარღვევები ვერანაირ გავლენას ვერ ახდენს არათუ ეროვნული მასშტაბით, არამედ საუბნი, ლოკალური მასშტაბითაც კი", — განაცხადა ხელაშვილმა.

31 ოქტომბრის საპარლამენტო არჩევნების შედეგებს ოპიზიცია არ აღიარებს და ქუჩაში საპროტესტო აქციებს მართავს. პარტიებმა საკანონმდებლო ორგანოში შესვლაზე უარი უკვე თქვეს. დიდი აქციაა დაგეგმილი კვირას, 8 ნოემბერს პარლამენტის შენობასთან, რუსთაველის გამზირზე. ისინი ხელახალი არჩევნების ჩატარებას მოითხოვენ.