ევროპული საქართველოს საარჩევნო შტაბის ხელმძღვანელი, სერგვი კაპანაძის თქმით კაპანაძის თქმით, საქართველოს საერთაშორისო პარტნიორები რეგულარულად ირებენ ინფორმაციას ქვეყანაში მიმდინარე პოლიტიკურ პროცესებზე.

"ჩვენ, რაც უფრო მეტად ვერკვევით გაყალბების მასშტაბში, მით უფრო ხდება ჩვენი საერთაშორისო პარტნიორების შეშფოთება. ჩვენ რეგულარულად ვაწვდით ინფორმაციას ყველა ჩვენს პარტნიორს. ისინი იღებენ ინფორმაციას თვითონაც, სხვადასხვა არასამთავრობო ორგანიზაციიდან და შესაბამისად, ისინიც რწმუნდებიან, რომ მასშტაბი არის ძალიან დიდი — კარუსელების მასშტაბი არის ძალიან დიდი, ოქმებში მანიპულირებების მასშტაბი არის ძალიან დიდი და საჭიროება გადათვლის, ასევე არის ძალიან დიდი", — ამბობს კაპანაძე.

იგი აღნიშნავს, რომ საერთაშორისო პარტნიორები კარგად ხედავენ, რაშია პრობლემა და რაშია გამოსავალი.

"მიუხედავად ამისა, ჩვენ ვხედავთ, რომ არ ხდება გადათვლა და ამიტომ, NDI-ის დირექტორის განცხადება, ისევე როგორც სხვა პარტნიორების განცხადებები, რომლებიც ასევე მალე იქნება, სწორედ ამაზე მეტყველებს, რომ ჩვენი პარტნიორები კარგად ხედავენ სად არის პრობლემა და სად არის გამოსავალი.

გამოსავალი იქნებოდა იმ უბნების გაუქმება, რომლებსაც ოპოზიცია და არასამთავროები ითხოვენ. თუმცა, ისიც კარგად ესმის ყველას, რომ ქართული ოცნება არ აპირებს ამის გაკეთებას, რადგან ამ უბნებზე გადის მათი გაყალბების ხაზი", — განაცხადა კაპანაძემ.