ევროპული საქართველოს საარჩევნო შტაბის ხელმძღვანელი, სერგი კაპანაძე, დავით მათიკაშვილის განცხადებას ეხმაურება იმის შესახებ, რომ გასაჩივრებების შედეგად, შესაძლოა მონაცემები 1-2%-ით შეიცვალოს.

კაპანაძე ამბობს, რომ მათიკაშილის ეს განცხადება არის ვაჭრობის სტრატეგიის ნაწილი, რათა ქართული ოცნება არ დარჩეს მარტო პარლამენტში, როგორც დიქტატორულ მმართველობებში.

"მათიკაშვილის ნათქვამიც არის ამ ვაჭრობის სტრატეგიის ნაწილი. როგორც ჩანს, ეხლა მათ ჰგონიათ, რომ 1-2%-ის გადმოგდებით და სხვა რაღაც მუქარების საშუალებით გააჩერებენ ოპოზიციას. აქ ფუნდამენტური ამბავი უნდა გაიგოს. ეს ამბავი არის იმისა, თუ ვის მისცა ქართველმა ხალხმა ნდობის მანდატი. ნდობის მანდატი ქართველმა ხალხმა არ მისცა ქართულ ოცნებას და ივანიშვილს", — მბობს კაპანაძე.

მისი თქმით, 1-2%-ის შეცვლა არ გამოიღებს არანაირ შედგეს, რადგან ქართველ ხალხს არ მიუცია ქართული ოცნებისთვის ნდობის მანდატი.

"48%-დან 47%-მდე ჩამოწევით არაფერი არ იცვლება. ნდობის მანდატი არ მისცა ქართველმა ხალხმა ქართულ ოცნებას, ამიტომ, ჩვენ, ეხლა, ამ ეტაპზე, ყველა იურიდიულ საშუალებას ვიყენებთ. ყველაფერი საჩივრდება, თუმცა სრულიად ნათელია ქართული ოცნების დამოკიდებულება. არც ერთი საჩივარი პრაქტიკულად არ კმაყოფილდება, არ ხდება უბნების გადათვლა, შესაბამისად, ეს ამბავიც დამთვარდება უშედეგოდ იმიტომ, რომ ეს გადაწყვეტილება მიიღო ივანიშვილმა. როგორც ჩანს, შემდეგი ალტერნატივა, რომელიც ჩვენ დაგვრჩება იქნება ქუჩა. იქნება პროტესტი და იმის მიუღებლობა, რაც ივანიშვილმა მოახვია თავს ქართველ ხალხს, რომ თითქოს მან მიიღო უმრავლესობა.

ამის შემდეგ უკვე მას მოუწევს გადაწყვეტილების მიღება, დათანხმდეს მოთხოვნებს, რომლებიც არის ოპოზიციის მხირდან, ანუ ხელახალი არჩევნები ან დარჩეს მარტო პარლამენტში ისე, როგორც ამას აკეთებენ ხოლმე დიქტატორები და სხვადასხვა ქვეყანაში. თუ ის მეორე გზას აირჩევს, სავარაუდოდ ისევე დაამთავრებს, როგორც დიქტატორები ამთავრებენ ხოლმე", — განაცხადა კაპანაძემ.