მეუფე პეტრე ამბობს, რომ საპრეზიდენტო არჩევნების შემდეგ, 31 ოქტომბერს გამართული საპარლამენტო არჩევნები მორიგი სპეცოპერაცია იყო. მეუფე პეტრე TV პირველთან ამბობს, რომ განვითარებული მოვლენების არ დაგმობა, საპატრიარქოს მხრიდან უსამართლობის მხარეს დგომას ნიშნავს.

"დღეს, როდესაც საპატრიარქო არ ამხელს ცესკოს თავმჯდომარეს, რომელმაც თავისი უპრინციპობით და უპასუხისმგებლობით ლამის სამოქალაქო დაპირისპირებამდე მიიყვანა ქართველი ერი და როცა ეს არ იგმობა, ნიშნავს იმას, რომ საპატარიარქო არის უსამართლობის მხარეს", — განაცხადა მეუფე პეტრემ.

ეუთოს დემოკრატიული ინსტიტუტებისა და ადამიანის უფლებების ოფისის (ოდირის) და ეუთოს, ევროპის საბჭოს და ნატოს საპარლამენტო ასამბლეათა საერთაშორისო დამკვირვებლების წინასწარი მიგნებებისა და დასკვნების შესახებ ერთობლივი მოხსენების თანახმად, არჩევნები კონკურენტულ გარემოში ჩატარდა და საერთო ჯამში, ფუნდამენტური თავისუფლებები დაცული იყო. თუმცა, მათივე თქმით, დაფიქსირდა დარღევები.