თბილისის მერიის გადაწყვეტილებით, გადატვირთული მეტროსადგურების შესასვლელებში, პიკის საათებში, მგზავრთა ნაკადის კონტროლი რიგების მართვის მეშვეობით მოხდება. მერიის განცხადებით, ამის მიზეზი კორონავირუსის შესაძლო გავრცელებისგან თავის დაზღვევაა. მათივე ცნობით, ამ ეტაპზე, აღნიშნული ღონისძიებები შემდეგ მეტროსადგურებზე განხორციელდება:

  • ვარკეთილი;
  • ახმეტელის თეატრი;
  • დიდუბე;
  • სადგურის მოედანი.

"მეტროპოლიტენის თანამშრომლები მუდმივად დააკვირდებიან მგზავრთა ნაკადს. როდესაც ნაკადი კრიტიკული იქნება და ვირუსის გავრცელების კუთხით საფრთხეს შექმნის, მეტროსადგურების ჩასასვლელებში, რიგის მართვის მეშვეობით ადამიანების დაშვების შეფერხება მოხდება", — აცხადებენ მერიაში.

მერიაში მოსახლეობას მთავრობის მიერ დადგენილი რეკომენდაციების ზედმიწევნით დავიცვვისკენ მოუწოდებენ.

5 ნოემბრის მონაცემებით, საქართველოში კორონავირუსის მორიგი ანტირეკორდი 2 401 ახალი შემთხვევა დადასტურდა, გამოჯანმრთელდა 2 289 პირი, გარდაიცვალა 20.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: