პარლამენტთან მიმდინარე აქციაზე, სიტყვთ გამოვიდა ლელოს ერთ-ერთი ლიდერი გიგლა მიქაუტაძე. მისი განცხადებით, ეს 31 ოქტომბერს გამართული არჩევნები არ გამოხატავს ხალხის ნებას და საჭიროა გაიმართოს ვადამდელი არჩევნები.

"იმ ფარსს, რომელიც ვნახეთ 31 ოქტომბერს, არ ერქვა არჩევნები და არ ვაპირებთ შედეგის აღიარებას. არ აქვს მნიშვნელობა ვის რამდენი პროცენტი აქვს. ქართულ ოცნებას არავითარი მხარდაჭერა არ აქვს მოსახლეობისგან და მიმართეს გაყალბებას. ამის დასტურია ისიც, რომ არც ერთ დებატში მონაწილეობას არ იღებდნენ. მათი ერთადერთი მიღწევა გაყალბებაა, რასაც აქტიურად აკეთებდნენ ხალხის დაშინებითა და მოსყიდვით. ეს არჩევნები არ გამოხატავს ქართველი ხალხის ნებას და უნდა გაიმართოს ვადამდელი არჩევნები", — განაცხადა გიგლა მიქაუტაძემ.