ევროპული საქართველოს ერთ-ერთი ლიდერისა და სიის პირველი ნომერის, დავით ბაქრაძის განცხადებით, ეგზიტპოლების მიხედვით, ქართულ ოცნებას ნდობის მანდატი არ აქვს. მისივე თქმით, ამ შედეგებში ის სახელისუფლებო მედიის მიერ დაკვეთილ ეგზიტპოლებს არ გულისხმობს.

"ყველა ეგზიტპოლი, რომელიც გახმოვანდა არის ძალიან განსხვავებული ერთმანეთისგან და აქვს ორი საერთო ნიშანი. პირველი ის, რომ ვერცერთი ეგზიტპოლით, ქართული ოცნება ვერ გადის 50%-ს ზემოთ, ანუ, მას არ აქვს ნდობის მანდატი და მეორე, ყველა კვლევაში ძალიან მაღალია იმ ადამიანების რიცხვი, ვინც პასუხზე უარს ამბობს. მაშინ, როცა თითოეული პროცენტში შეიძლება გადამწყვეტი იყოს იმის განსაზღვრისთვის, რომელ მხარეს არის გამარჯვება, ჩვენ, რა თქმა უნდა, საბოლოო შეფასებას ვერ გავაკეთებთ", — განაცხადა ბაქრაძემ TV პირველთან.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: