ქართული ოცნების გენერალურმა მდივანმა, კახი კალაძემ პარტიის აგიტატორებს მადლობა გადაუხადა და მოუწოდა, გააგრძელონ მუშაობა. მისი თქმით, ცალკეული მედიასაშუალებები ცდილობენ აგიტატორების საქმიანობა წარმოაჩინონ კანონდარღვევად, თუმცა, ეს ასე არ არის.

"მაღალ აქტივობაში, რა თქმა უნდა, ჩვენს მხარდამჭერებთან ერთად, განსაკუთრებული წვლილი შეაქვთ ჩვენი პარტიის წევრებს, ჩვენს აგიტატორებს, რომლებსაც, ასევე, მინდა განსაკუთრებული მადლობა გადავუხადო. [...]

კიდევ ერთხელ მინდა მივმართო ჩვენს აგიტატორებს, ჩვენს მხარდამჭერებს მივმართო — გააგრძელეთ ასე მუშაობა, რა თქმა უნდა, ეს არ არის კანონდარღვევა და შეგიძლიათ გააკეთოთ ის, რასაც ამ წუთამდე აკეთებდით", — აცხადებს კახი კალაძემ.

კალაძემ, ასევე, აღნიშნა, რომ ამომრჩეველთა სიები ყველა საარჩევნო სუბიექტს აქვს მიღებული ცესკოდან და უბნების მიმდებარედ ყველა პარტია აწარმოებს იგივე ტიპის სამუშაოებს.

აგიტატორები დღის განმავლობაში ჟურნალისტებს რამდენჯერმე დაუპირისპირდნენ. მათ სხვადასხვა მიზეზი მოიგონეს იმის გასამართლებლად, რატომ აქვთ ცესკოდან აღებული საარჩვევნო სიები.

გაიგეთ მეტი: