მთავარი არხის ინფორმაციით, ქართული ოცნების ერთ-ერთ შტაბში ბიზნესმენი, დავით ზეიკიძე იმყოფებოდა. მისი თქმით, ოფისში იმიტომ მივიდა, რომ "ფულები დაარიგოს". იგი ამტკიცებს, რომ ეს არა ქართული ოცნების შტაბი, არამედ საკუთარი ოფისია.

"მოვედი რომ ფულები დავარიგო, რომელიც მომცემს ხმას. ეს არის ჩემი ოფისი. მე არ ვმალავ, რომ ოცნებას ვუჭერ მხარს. მე ორი კაცის იმედი მაქვს საქართველოში. ეს არის ბიძინა ივანიშვილი და გახარია, რომელთაც შეუძლიათ ქვეყანა დააყენონ ფეხზე", — განაცხადა მან.

2020 წლის საპარლამენტო არჩევნების შესახებ

დღეს 31 ოქტომბერს, საქართველოს პარლამენტის არჩევნები იმართება. წელს პირველად, საარჩევნო სისტემა ყველაზე მეტად მიუახლოვდა სრულად პროპორციულს და არჩევნების 120/30 მანდატების თანაფარდობით ტარდება. აღნიშნული 8 მარტს ოპოზიციისა და მმართველ გუნდს შორის აშშ-ს ელჩის რეზიდენციაში გამართულ არაფორმალურ შეხვედრაზე გადაწყდა. იქვე, სამთავრობო გუნდი და ოპოზიცია, ასევე, შეთანხმდა, რომ პარტია, რომელიც 40%-იან მხარდაჭერას ვერ მოიპოვებს, მთავრობის დაკომპლექტებას ვერ შეძლებს. რაც შეეხება ბარიერს, იგი — 1%-ია.

მთელი ქვეყნის მასშტაბით საარჩევნო უბნები 8 საათზე გაიხსნა და ხმის მიცემის პროცესი დაიწყო. უბნები დღეს 20:00 საათზე დაიხურება.

ისტორიაში პირველად, არჩევნები პროპორციულთან მიახლოებული, 120/30-ზე სისტემით გაიმართება.

გაიგეთ მეტი არჩევნებზე: