ეგეოსის ზღვაში დაახლოებით 7-ბალიანმა მიწისძვრამ ნგრევა გამოიწვია თურქეთსა და საბერძნეთში. საერთაშორისო მედიის ინფორმაციით, მიწისძვრის შედეგად გარდაიცვალა 14 ადამიანი, აქედან 12 თურქეთში და 2 საბერძნეთში.

ამ ეტაპზე ვრცელდება ინფრომაცია თურქეთში 438 დაშავებულის შესახებ. ქალაქ იზმირში ჩამოიშალა 20-მდე შენობა.

ფოტო: ANADOLU AGENCY VIA GETTY

ფოტო: ANADOLU AGENCY VIA GETTY

ეგეოსის ზღვის სანაპიროზე ძლიერი მიწისძვრა, კუნძულ სამოსის ჩრდილოეთით მოხდა. ამერიკის გეოლოგიური სამსახურის განცხადებით, 7 ბალიანი მიწისძვრა დაფიქსირდა თურქეთის ზღვისპირეთში — იზმირსა და სტამბულში.