ევროპული საქართველოს მაჟორიტარობის კანდიდატმა, გიგი უგულავამ ირაკლი კობახიძე შეურაცხმყოფელად მოიხსენია და "შიშისგან ტუჩებგათეთრებული, შლეგი შლაპი" უწოდა. მან განაცხადა, რომ ხელისუფლებას არჩევნებში წაგების ეშინია.

"შიშისგან ტუჩებგათეთრებული ამ შლეგი ღლაპის განცხადება, კობახიძის განცხადება მიუთითებს, რომ მათ ეშინიათ წაგების და იგონებენ ყველა სისულელეს, განსაკუთრებით იმ ფონზე, როდესაც ჩვენ, ევროპულმა საქართველომ გავასაჯაროვეთ ინფორმაცია, რომ ორშაბათიდან ივანიშვილის მთავრობა გეგმავს ქვეყნის დაკეტვას იმისთვის, რომ მანიპულაცია მოახდინოს მეორე ტურზე", — განაცხადა უგულავამ.

მისი თქმით, ეს არათუ მოსახლეობის ჯანმრთელობის მდგომარეობითაა განპირობებული, არამედ საარჩევნო შიშით. უგულავას განცხადებით, ჩაკეტვის შემთხვევაში ეკონომიკა ჩამოიშლება, ამიტომ ორშაბათს არჩევნების შემდეგ ივანიშვილის მთავრობას შესაძლებლობა და მანდატი არ უნდა ჰქონდეს.

დღეს, 28 ოქტომბერს ევროპული საქართველოს ერთ-ერთმა ლიდერმა, გიგა ბოერიამ განაცხადა, რომ მათი ინფორმაციით, 2 ნოემბრიდან მთავრობა ქვეყანაში სრული ჩაკეტვის, ე.წ. ლოქდაუნის გამოცხადებას გეგმავს. ბოკერიას თქმით, მეორე ტურის წინ ხელისუფლება აპირებს ფორის შექმნას, რადგან ქართულ ოცნებაში კარგად იციან, რომ არჩევნებს ვერ მოიგებენ.

აღნიშნულ განცხადებას ქართული ოცნების აღმასრულებელი მდივანი, ირაკლი კობახიძე გამოეხმაურა და განაცხადა, რომ 31 ოქტომბერს საქართველოს მოსახლეობა "ლოქდაუნს" ნაციონალურ მოძრაობასა და ევროპულ საქართველოს გამოუცხადებს.