ევროპული საქართველოს წევრის, ზურაბ ჭიაბერაშილის თქმით, მნიშვნელოვანია, რომ მოქალაქე გრძნობდეს მუდმივ მხარდაჭერას სახელმწიფოს მხრიდან.

ჭიაბერაშილი ამბობს, რომ ამისათვის დაინერგოს ერთი ზარის პირნციპი — 112-ზე დარეკვისას მოქალაქემ მიიღოს ოჯახის ექიმის კონსულტაციაც.

ჭიაბერაშვილის თქმით, საჭიროა სწრაფი ტესტების სიტემის აწყობა და ჰოსპიტალური რესურის მუდმივი ზრდა. მისი თქმით, მომავალი კოალიციური მთავრობა სწორედ ამ მიმართულებით იმუშავებს, რათა მოხდეს კრიზისის ეფექტური მართვა.

"პირველი რიგის ამოცანაა, მოქალაქეებს ჰქონდეთ განცდა, რომ მათ სახელმწიფო მიხედავს საჭიროების შემთხვევაში, ამიტომ, ამისთვის სააჭიროა:

  • ჩვენ უპრობლემოდ უნდა ვრეკავდეთ 112-ზე, უპრობლემოდ უნდა ვიღებდეთ ოჯახის ექიმის კონსულტაციას და უნდა დაინერგოს ერთი ზარის პრინციპი, როდესაც 112-ზე დარეკვით ჩვენ შეგვიძლია გადაგვამისამართონ და მივიღოთ დაუყონებლივ ოჯახის ექიმის კონსულტაცია.
  • ასაწყობია სწრაფი ტესტირების სისტემა, რათა ადამიანებმა სწრაფად გაიგონ აქვთ თუ არა კოვიდი, მით უმეტეს, მოდის სეზონური გრიპიც. რაც ყველაზე მნიშვნელოვანია, ჩვენ მუდმივად უნდა ვზარდოთ რესურსი ჰოსპიტალის მიმართულებით იმიტომ, რომ როცა იზრდება ინფიცირებულთა რაოდენობა, ბუნებრივია, იზრდება იმ პაციენტთა რაოდენობა, ვისაც ინტენსიური საწოლი სჭირდება.

ამიტომ, ამ ჯაჭვის სრულფასოვნად აწყობა არის მთავრობის პასუხისმგებლობა, ოღონდ ეს მთავრობა არაფრის გამკეთებელი არ არის. მომდევნო კოალიციური მთავრობა, არჩევნებისა და გარდამტეხი ცვლილებების შემდეგ, ბუნებრივია ზუსტად ამ მიმართულებით გააგრძელებს მუშაობას, რომ მოქალაქე გრძნობდეს ყოველწამიერ თანადგომას სახელმწიფოს მხრიდან", — განაცხადა ჭიაბერაშვილმა.